كتب أحمد مصطفى زيزو لاعب النادي الأهلي، منشورا عبر خاصة "ستوري" على حسابه بموقع "إنستجرام" تحدث خلاله عن لحظات شعوره بالزلزال الذي وقع في محافظات مصر فجر اليوم الإثنين.
ونشر زيزو ستوري على حسابه بموقع "إنستجرام" كتب فيه: "ثواني من الخوف كانت كفاية إن الدنيا بكل اللي فيها تصغر في عين الناس، وإن كل واحد يفتكر إن في النهاية مفيش ملجأ غير ربنا".
وأضاف زيزو: "الحياة أقصر من إننا نعيشها في خصام وظلم وغضب، وأقصر من إن الدنيا تشغلنا عن اليوم اللي كلنا رايحين له".
وأكمل: "اشتغل واسعى واحلم، لكن ما تنساش وأنت بتبني دنيتك إنك تبني لآخرتك، وما تأجلش توبة ولا خير تقدر تعمله، ولا حق تقدر ترجعه".
وأكمل لاعب الأهلي: "يمكن ربنا يرسل لنا لحظات زي دي مش بس عشان نخاف، لكن عشان نفوق، ونراجع نفسنا ونفهم إن وجود فرصة تانية في حد ذاته نعمة".
وأتم داعيا: "اللهم احفظنا برحمتك، واغفر لنا، وأحسن خاتمتنا، ولا تأخذنا إلا وأنت راض عنا".
التعليقات